Близината на Словенија и Италија како да се чувствува во атмосферата, гастрономијата и начинот на живот, а особено доаѓа до израз во потоплиот дел од годината, кога ритамот на градот се забавува, звуците се засилуваат… а животот се сели на терасите, во парковите и на брегот на езерото.
Под будното око на змејот
Историјата на Клагенфурт датира од 12 век, а градот се развивал под влијание на различни култури, што и денес е видливо во неговата архитектура. Една од најпознатите приказни поврзани со градот е легендата за змејот Линдвурм, митско суштество кое, според преданието, живеело во мочуриштата на подрачјето на денешниот град.
Победата над тој змеј е симбол на Клагенфурт, а на тоа потсетува и споменикот на централниот плоштад. За време на ренесансата, Клагенфурт бил планиран и реновиран, а зградите како „Ландхаус“ (Landhaus), некогашното седиште на корушкото благородништво, или барокната катедрала на Светите Петар и Павле, сведочат за значењето на градот во минатото.
Шетката низ Клагенфурт започнува во Алтштат (Altstadt), стариот град, каде што уредните улици се преплетуваат со пространи плоштади, историски палати и живописни кафулиња. Neuer Platz со Линдвурм е неизоставно место за фотографии и добра појдовна точка за разгледување, додека „Ландхаус“ и неговиот внатрешен двор нудат увид во политичката и културната историја на регионот.
Полн со добра атмосфера и шарм
Одите во Алтштат на кафе или шопинг, или само за да го впиете секојдневниот живот на градот. Љубителите на сакралната архитектура ќе го ценат мирниот и елегантен ентериер на Клагенфуртската катедрала, додека оние желни за забава и необични доживувања со задоволство ќе го посетат „Минимундус“ (Minimundus), минијатурниот парк на светските знаменитости кој се наоѓа веднаш до брегот на езерото.
Ако го изберете Клагенфурт како ваша викенд-дестинација, имајте на ум дека во Австрија продавниците и супермаркетите се главно затворени во недела поради законскиот празник на неделата како неработен ден. Иако градот тогаш е многу попразен и помирен, рестораните, кафулињата и баровите работат често и во текот на целиот ден. Клагенфурт нуди богат избор на места за појадок, ручек или вечера, со традиционална кујна или модерни интерпретации.
Популарните ресторани често се полни во недела, па ако целите на одредено место, најсигурно е да резервирате. Особено атрактивни се местата покрај езерото или во историските згради, каде традиционалната кујна се среќава со модерните интерпретации.
Гастрономијата на Корушка се заснова на едноставни состојки и јадења кои го греат и телото и душата. Меѓу најпознатите специјалитети се Kärntner Kasnudeln (полнети тестенини со сирење и зачински билки) и Ritschert (гулаш од грав и јачмен). Локалните сирења, специјалитети и свежиот леб често се послужуваат со чаша регионално вино или пиво, додека десертите како што се Apfelstrudel или Kaiserschmarrn се совршен завршеток на оброкот, особено со попладневно кафе.
Клагенфурт е исто така одлична појдовна точка за излети во околината. Во непосредна близина е Фелден (Velden am Wörthersee), модернo гратче со убаво шеталиште и поглед на езерото, до кое лесно се стигнува со воз или брод.
Љубителите на историјата и панорамските погледи нема да ја пропуштат посетата на замокот Hochosterwitz, еден од највпечатливите средновековни замоци во Австрија, додека од видиковецот Пирамиденкогел (Pyramidenkogel) се пружа спектакуларен поглед на езерото и околните планини. Семејствата со деца со задоволство ќе го посетат Афенберг (Affenberg), природен резерват со мајмуни кој нуди уникатно искуство во природно опкружување.
Извор: odrzime.rs
